關於學會 黑面琵鷺 生態旅遊 學術調查 七股風情 黑琵志工 交流討論
   
 
 
La飛之歌 發現La飛La飛寫真
La飛之歌開講La飛
 
 


撓「片不」兮歌

 張浚欽@2000-10-01

撓「片不」兮歌
by 張浚欽

 

新增網頁1

  『烏面撓「片不」』著是「黑面琵鷺」;美國話叫做Black Faced Spoonbill;學名叫做Platalea minor

 

  這隻鳥仔誠(chiaN5->7)特別!面仔(bin7 a2)烏烏、翅仔白白、喙(chhui3)(ko)扁扁長長。佮別儂無共款。 扁扁長長兮物件叫做『「片不」(poe). 親像「船槳」叫做『船「片不」; 「乒乓球拍」叫做『乒乓「片不」; 有句俗語話講『死鴨仔硬喙「片不」』。 佇水內攪動叫做『撓』(la7) 咱兮祖先看伊用扁扁長長兮喙「片不」,佇水內焉爾(an ne)撓咧撓咧,所以將伊叫做『撓「片不」』。因為伊兮面是烏色也,所以咱看鳥仔兮儂,也(ia7->3)(kan7->3ka7->3)伊叫做『烏面也』 (oo1->7 bin7 e3 ),假若(ka2->1na)是咧叫咱茨(chu3->2)邊兮囡仔(gin2->1 a),聽起來嘛真親切。

 

  全世界『烏面也』(oo1->7 bin7 e3 )(chhun1->7)差不多六、七百隻爾爾(nia7->3 nia7),(人因) (in7)(kha)驚熱,所以佇熱人兮時節(時辰 si5->7chun7),(人因)攏蹛(toa3->2)佇寒帶較(勿會)(be7->3)(hia)熱兮所在,親像 西伯利亞、日本、中國東北、韓國等所在。唔過(m7->3 ko) (na7->3)到起秋風,天氣轉(tng2->1)涼兮時,佇北方食物也漸漸較(kha)少,為著活命,趁值(tit8->4)(ciaN5->7)十月也,(人因)著陸陸續續搭著東北季節風兮順風車,對寒冷兮北爿,飛來較燒熱兮南方。有兮飛到福建、廣東、廣西,有兮飛到香港、越南,但是上界濟、有一半以上飛來台員,尤其是飛來台南地區歇睏、過冬。上濟(che7)兮時節(時辰,si5->7 chun7)19991210日,捌(bat4->8)463隻來到台南七股這附近。

 

  是樣怎(an2->1 chuaN2)有這呢濟兮『烏面撓「片不」』卜(beh4->8)來台員呢?

 

  有儂講是台員兮地理好。沒唔著(bo5->7 m7->3 tioh8)!台員是一個好所在,佇(ti7->3)亞熱帶兮所在,冬天(勿會)(be7->3)像(人因)(in1->7) 寒到會落雪;地點也好,值(tu2->1)好佇由北落南兮半中途,唔過上重要兮,是這(chia)有充足兮物件(mih8-3 kiaN7)(than1->7)(hoo7->3) 『撓「片不」』來食。

 

  是樣怎這有物件當予『撓「片不」』來食呢?這著愛唯(ui5->7)台南兮地理變遷來講起。

 

  佇三、四百冬前,台南附近兮海岸線差不多位佇台南市永福路、向北對鹽行、西港仔、起去;佇本島西爿(peng5),海中有一寡大大小小兮沙洲。唯茄萣仔、億載金城、安平、鹿耳門、海翁島、清風隙、一直上北,攏是沙洲。 (古早將浮佇海中兮沙洲叫做鯤,安平著是一鯤 億載金城著是二鯤) FORMOSA本島佮這兮沙洲之間形成一個內海,叫做『台江內海』。後來因為溪流帶來山頂兮沙石也,海流帶來飄沙,二、三百冬經過了後,台江內海己經坌(pun7->3)到差不多了。即馬(今也,kim a ->chim a2)大概偆安平新港、四草湖、佮七股內海仔爾爾。 因為台南兮安平區、安南區、七股、等所在攏是內海坌起來兮,地勢較(kha2)低,容易積水,土肉又更(ko)帶鹽份,無適合種作(cheng3->2 cho4)。所以,佇這款所在,大部份攏是作塭仔、飼魚仔。

 

  到熱天、秋天,塭仔內兮魚飼大隻囉,著收成牽起來賣。然後,著將水洘(kho2->1)乎礁(,ta),利用冬天兮日頭,將塭底兮土曝曝(phak8)咧,日光消毒,等到過春了後,才(chia)(ko)引海水入塭來飼魚。佇即段無飼魚,曝坪過冬兮時節(si5-7 chun),有的塭底猶有(iu5->7 u7->3, iau1 u7->3 )一寡也(chit8->3 kua2->1 a)雜魚仔,水也沒誠峘(kuan5),『撓「片不」』企(khia7)(勿會)(be7->3)去乎淹死,更有魚仔當食,真正好!莫怪(人因)(in1->7)會食好湊(cho3,chau3, -> tau3->2)相報,相招來即塊(chit8 te3 ,-> chit8 le)好所在。

 

  唯(ui5->7)成十月左右,『撓「片不」』著開始出現佇曾文溪口,十一月、十二月,一批一批更(ko)繼續飛來,佇十二月到正、二月,七股『撓「片不」』兮數量上界濟(che7)。『撓「片不」』一隻差不多二、三斤重,五、六十公分峘(kuan5),(人因)佇(ti7->3)(chia)歇睏、過冬,補充體力。到正、二月年跤兜(ni5->7 kha1->7 tau, 舊曆過年)兮時節(si5->7 chun7),大隻『撓「片不」(成鳥)兮頭殼後佮胸前著生出金黃色兮毛,誠美(,(sui2),假若捋(loah8->3)一粒「龐克頭」咧。到三、四月也,這兮大隻『撓「片不」』著陸續開始飛倒轉去囉。(人因)愛飛轉去北方做岫、放卵、孵鳥仔囝;細隻少年兮『撓「片不」(亞成鳥)無繁殖兮壓力,著無赫緊走,會加(ke1->7)留一陣仔,到四、五月才(chia)分批相招轉去。

 

  去年(1999)利用人造衛星兮追蹤,頭一遍發現『撓「片不」』唯台員飛出去,經過中國大陸沿海福建、浙江、江蘇等所在,最後到渤海、黃海、南北韓交界停戰區。差不多用二、三禮拜兮時間來完成二千外公里兮路程。(人因)卜佇這(chia)繁殖生囝、成養(chiaN5->7 iuN2)後代,到成十月也,天氣轉涼,才更(chia ko)大隻細隻相招落南過冬。

 

  全世界統計,『撓「片不」』偆差不多六七百、七八百隻爾爾,企佇眾生平等、保育兮出發點,『撓「片不」』已經是全世界性兮保育動物矣(a3)。這幾冬來,有一半以上兮『撓「片不」』飛來台南、七股地區過冬,這是歷史造成兮自然地理條件,佮咱兮魚民經營魚塭兮方式所形成兮,也正是咱大家兮福氣。行幾步也路,唔免坐飛行機去外國,著會當看著世界級兮寶貝,別塊(pat3->3 le7)所在著無這(chia)好堪(ho2->1 khan)囉!這也表示:這塊所在猶未受著污染,七股內海仔這附近,是台員西海岸盡偆兮、環境猶未受著嚴重破壞兮所在,真正是需要咱大家做夥來共伊疼愛,寶惜!

 

  咱愛好好也(ho2->1 ho2->1 a)惜福,保護祖公也(cho2->1 kong1->7 a2)留予咱兮好山水、好地理。予(hoo7->3)溪水、海水會清氣,溝仔內攏看會著魚仔著洇;土地無受著有害廢棄物兮污染,唔免煩惱食著「鎘米」、蹛佇「汞污泥」兮頂峘(tengg2->1 kuan5);予空氣會清芳, (勿會)(be7->3)去乎工場、墨賊車兮廢氣激到(ka)走無路;唔當亂莝(chho3->2)樹木,才(chia)無土石流;唔當亂挖沙石,才(勿會)(be7->3)斷橋;焉爾(an ne)咱儂才會勇健(iong2->1 kiaN7、康健(khon1->7 kian7),咱兮囝孫仔才(chia)有所在當(than1->7)(toa3)落去。 透早起來,有鳥仔唱歌予咱聽;出門有花芳當鼻、有娓蠂(be2->1 iah8)跳舞予咱看;予咱兮囝囝孫孫攏有魚仔當釣、世界各國兮儂,著愛坐飛行機來台南、來七股看『撓「片不」』,去內海仔兮看蟳仔、看沙山、看紅樹林、看白鷺鷥、看鹽山、食虱目魚。予台南、七股變做儂、魚仔、鳥仔、樹仔、攏總好企起兮好所在,變做世界出名兮生態觀光地區!  

 

註1:『』內唸河洛(福佬)話;「」內唸國語、普通話;()電腦無此標準字,乃以()表示合成字。如(人因)為左側立 旁,右側一個 字,表『他們』之意。

註2:語言包含聲、韻、調。調的記號以數字表示。各調例,如下:

A.

 

陰平

陰上

陰去

陰入

陽平

陽上

陽去

陽入

 

記號

 

教羅記號

 

/

\

 

/

|

 

河洛(福佬)話

鹿

 

 B.

記號

 

 

 

 

 

記號

 

ˋ

ˇ

 

ˊ

 

 

 

 

普通話

  

 

 

 

 

 

C.

記號

 

 

 

客話

 

 

  河洛話(台灣南部地區現用偏漳廈語)兮基本變調規則

  .後續尚有字詞者,該字要變調;最後一字或名詞則維持本調。

如: 唸『台南』, 『台』要變調(tai5->7), 『南』(lam5)維持本調;唸『台南市』,則『台』和『南』要變調(tai5->7 lam5->7),『市』維持本調(chhi7)。  

 

 

 

 

 

 

 

 

 

 

  

 

 

 

|

p,t,k,

 

 

 

 

  

 

 

 

 

 

 

 

  二.其他變調

  輕聲調、隨前變調、等等。

  .南腔北調(例)

1.宜蘭 (漳州腔)  

昨昏(Nhui),阮去公園(Nhui5)耍(Nsui2).暗頭也,阿母叫阮轉(Ntui2),轉去茨裡,食飯(Npui7),配滷卵(nui7); 更(ko)有果子,小可(khua2)酸(Nsui)酸軟(nui2)軟,真好食.  

我君離開千里遠(Nhui7),放阮孤單守家門(mui5),(勿會)(be7)食(勿會)睏跤手軟(nui2),暝日思君心酸酸(Nsui).  

 

2.鹿港 (泉州腔)  

鹿港人,講話無相仝.(lok3 kang5 lang5, kong5 ue7 bo3 sio3 kang5)  

 

3.關廟、仁德、茄萣等地  

我去菜(sai3)市(si7)仔(a2)買紅菜(sai3),值(tu2)好看著警察(sat4)舉(gia7)槍(seng3)咧逐(tiok4)賊(sat8)也,害我驚一著(tio5),趑(su7)一倒,菜(sai3)市也兮儂看到(kah4)笑(sio3)呵呵.  

 

赤崁 (Saccam)  

17世紀荷蘭古地圖即註台江內海東側地名為 Saccam,為當時荷蘭人以其記音文字紀錄當時原住民所發之音;後來講上記腔調的漢人以漢字譯名寫成 『赤崁』,故今人似宜依舊音唸為(sah kam),而不宜以現代發音為(chhiah kam)


附件1 撓「片不」兮歌 mp3
651.28Kb
 已下載 無標題文件 1559

  黑面琵鷺簡介
 

撓「片不」兮歌

2000-10-01

聯絡我們 網站聲明